Ayxan Abbasov: “Biz bunu haqq edirik“
Tarix: 29.04.2021 | Saat: 20:44:00 | Oxunub: 783 | E-mail | Çapa göndər

"Final oyununa görə mübarizə gedirdi. Çətin rəqibimiz var idi. Həqiqətən çox sevinirik. İkinci dəfədir ki, finala çıxırıq. Komanda olaraq buna inanırdıq".

Futbolmedia.az xəbər verir ki, bu sözləri "Sumqayıt"ın baş məşqçisi Ayxan Abbasov Azərbaycan kubokunun yarımfinalında "Qarabağ"a penaltilərlə qalib gələrək (5:4) finala çıxdıqları oyundan sonra mətbuat konfransında deyib.

- Hər iki cəbhədə mübarizə aparırıq. Bu heç də asan deyil. İlk oyunda 7 əsas futbolçumuz yox idi. Komandada əzmkarlıq gördüm. Taktiki cəhətdən hər şey qaydasında idi. Oyun ərzində bir neçə qol imkanımız olsa da fürsətləri dəyərləndirə bilmədik. Hər kəsi təbrik edirəm. Çempionat davam edir, bu son deyil. Çalışacağıq ki, uğurlu sonluq olsun. Biz bunu haqq edirik. "Qarabağ"a da uğurlar arzu edirəm.

- Sanki komanda üzvləri sizdən çox sevinirdi...

- Deməzdim.. Mənim üçün böyük qələbədir. Futbolçularımı soyunub-geyinmə otağında gözləyirdim ki, təbrik edim. Ola bilsin oyunun stresi var idi.

- Qapıçı Aydın Bayramov əsas heyətdə yerini haqq etdi. Siz də belə düşünürsünüz?

- Statistikaya nəzər yetirsək, demək olar hər iki qapıçımız eyni sayda oyun keçirib. Onlar ikisi də millinin üzvüdür. Bu qapıçılar Azərbaycan çempionatında çox oyun keçiriblər. Hər iki qapıçıya inanırıq. Aydın demişdim ki, kubokda finala vəsiqə qazansaq, finalda da sən qapıda olacaqsan. O yerini haqq etdi.

- Elvin Məmmədov penaltini qaçıranda hansı hissləri keçirdiniz?

- Penalti seriyası çox həssas məqamdır. Penaltini vuran əsas futbolçular müəyyən səbəblərdən meydanda deyildi. Əli, Rəhim, Mehdi yox idi. Meydanda əsasən müdafiəçilər idi. Hər bir futbolçu penaltini qaçıra bilərdi. Məğlub da ola bilərdik. Amma Elvin özünü yaxşı tərəfdən göstərdi.

- Penaltilərdən əvvəl Aydın Bayramova hansı tövsiyyələri verdiniz?

- İnamımız var idi ki, Aydın bizə kömək edəcək. Məşqlərdə özünü yaxşı tərəfdən göstərmişdi. O məqamda qapıçıya hansısa tövsiyyəni vermək düzgün olmaz.

- Sanki ilk dəqiqələrdən oyunu penalti seriyasına daşımaq istəyirdiniz.

- İlk olaraq məqsəd uduzmamaq idi. Bilirdik ki, 1 qol bizi finala apara bilər. Biz 1 qol vursaydıq, rəqib 2 qol vurmalı idi. Oyun ərzində bir neçə epizod əldə etdik, amma futbolçular yorulmuşdu. Çempionatın sıx qrafikində oynayırıq, əlavə 30 dəqiqə oynamaq asan deyil. Amma yenə də penalti seriyasında şansınımızı yoxlamaq istəyirdik.

- İkinci dəfədir ki, finala vəsiqə qazandınız. İlk finalda "Qəbələ"yə məğlub olmuşdunuz. Buna görə futbolçuları psixoloji cəhətdən kökləmək çətin olmayacaq?

- O vaxt rəqib "Qəbələ" idi, bizdən daha təcrübəli idilər. 3 il dalbadal final oyanmışdılar. Bu il isə bizim təcrübəmiz var. Rəqibimiz də axşam bilinəcək.

- Siz hansı rəqibin qalib olmasını istəyirsiniz?

- Bu suala cavab verməyim düzgün olmaz




 
Bölməyə aid digər xəbərlər
04.05.2021
Ayxan Abbasov: “Büdcəmiz budur, bundan artığını edə bilmərik“
03.05.2021
Sənan Qurbanov: “Biz də onun yerinə məyus oluruq“
29.04.2021
Qurban Qurbanov: “Futbolçulara irad bildirmək istəmirəm“
26.04.2021
Rəşad Sadıqov: “Oyun qol epizodları baxımından kasad keçdi“
23.04.2021
Joze Alesio: “Qarşılaşmaq istəmədiyim komandalar var“

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info